Premendo aquí iredes ao Programa Orienta do curso 2020-2021 onde poderedes vos informar sobre o Bacharelato, ciclos da Formación Profesional, carreiras universitarias... onde estudar, saídas profesionais asociadas aos estudos... Tamén poderedes facer cuestionarios de intereses profesionais para coñecer cales serían os mellores itinerarios a seguir tendo en conta as vosas características persoais...
Ademais do vídeo reivindicativo elaborado polo alumnado e o profesorado do CPI Curros Enríquez que podedes ver aquí, o alumnado de 3º e 4º da ESO colaborou na campaña "Os amores non matan" organizada polo Concello de Pazos de Borbén e o gabinete Amaturi.
Hoxe é 17 de Maio, ademais de ser un día importantisimo para a nosa Comunidade Autónoma, onde celebramos ao autor Ricardo Carvalho Calero, tamén é o Día Internacional Contra a Homofobia.
Con ese senso, a Rede Educativa de Apoio LGTBIQ+ de Galicia elaborou este vídeo (coa achega da compositora Ester Casanova) adicado ao alumnado LGTBIQ+ nesta época de confinamento.
Neste Día 24 de Confinamento traívos un bo recordo do segundo trimestre: O Día da Muller do 8 de marzo.
Podemos aproveitar tamén esta corentena para recordar aqueles momentos felices que pasamos todas xuntas e xuntos. De tal xeito, aí van algunhas das fotos máis representativas desa
Ademais de continuar coa vosa rutina diaria, facendo as tarefas escolares que vos envía o profesorado, tamén é unha boa idea fomentar a vosa vea máis artística. Así, déixovos este Reto artístico.
Estas son as miñas creacións para as tres categorías:
1ª Categoría: Microrrelato(Máximo 10 liñas)
"Ti notácheslle algo raro aparte dese vicio de tanto ler?
Vicio? Valentía! Seica coñeciches a alguén que viñese sen munición? O campo de batalla non perdoa, ninguén resistiu sen fusil e o seu está soterrado aquí, nas trincheiras. Fíxate nel, plantado aí como se o lume cruzado non puidese alcanzalo, so cos seus libros. É inútil pensar que sobrevivirá, esta guerra non se gaña con letras. Nin esta, nin ningunha. Pero imaxinemos que me equivoco, que a súa ousadía cegue ao bando inimigo, que a palabra inimigo perda o seu significado, que as balas deixen de cortar o ceo... Imaxina que a súa voz é máis alta que o ruído das bombas... Que borra a guerra da evolución do home! Imaxina os nosos sorrisos reflectidos no principio dun bo libro! Imaxina que as fronteiras...!
Non soñes máis, xa o mataron."
2ª Categoría: Fotografía
3ª Categoría: Debuxo
ENVIADE AS VOSAS CREACIÓNS ARTÍSTICAS AO SEGUINTE CORREO:
O 4 de Marzo o grupo de 4º ESO fomos de visita ao IES Mendiño e ao IES Pedro Floriani para coñecer as instalacións dos institutos, a súa oferta educativa (BAC e FP), as actividades xerais que realizan durante o curso, as excursións de fin de curso, algunhas profesoras/es...
Presentación no IES Mendiño con ex-alumnas/os do CPI Curros Enríquez.
Experimento con láseres.
Visita ao laboratorio de Física e Química do IES Mendiño.
Visita a Aula de Tecnoloxía do IES Mendiño.
Presentación no IES Pedro Floriani.
Taller do ciclo medio de FP: "Instalacións de Telecomunicacións" no IES Pedro Floriani.
E merenda no IES Mendiño!!
Recordade: solicitude de praza para Bacharelato do 1 ao 20 de marzo!!!
O proceso de matrícula para ciclos de FP comeza en xuño!!!
Creouse un Espazo de Orientación no corredor do centro para ofrecer información sobre Formación Profesional, o acceso á Universidade e o Bacharelato, xa que dende o 1 ao 20 de marzo abrirase o prazo de reserva de matrícula nos IES que impartan Bacharelato.
Ademais, co gallo de realizar unha Orientación Vocacional que chegue a todxs, están programadas as seguintes actividades:
Charla coas familias de 3º e 4º ESO o 17 de febreiro ás 17:30
Visita ao IES Mendiño e IES Pedro Floriani o 4 de marzo
Xornada de Orientación co alumnado de 3º e 4º ESO o 1 de Abril(CANCELADA)
Visita ao IES Audiovisual de Vigo o 30 de Abril (CANCELADA)
Levamos 41 días deste ano 2020 e xa foron asesinadas por violencia machista 10 mulleres.
Desde Código Diverse (o noso Equipo de Igualdade e Diversidade afectivo-sexual) pensamos que era necesario poñer o foco neste dato tan horrible. Así, o alumnado do grupo elaborou unha pequena campaña visual que colocamos nas escaleiras do noso centro.
A Consellería de Educación, Universidade e Formación Profesional anunciou a convocatoria anual das probas de acceso a ciclos de grao medio e grao superior para este curso 2019-2020.
Aquí tendes o calendario coas datas máis importantes:
Premendo neste enlace tedes toda a información dos ciclos da FP clasificados por familia profesional.
Recordade: co título da ESO pódese acceder aos ciclos formativos de Grao Medio e co título de BAC pódese acceder aos ciclos formativos de Grao Superior.
O alumnado de Código Diverse (Equipo de Igualdade) decorou con sprays estas últimas semanas unha das cortizas do noso centro co gallo de dar visibilidade a diversas realidades.
A continuación as fotos que relatan o proceso de creación.
